FHN-İN QÜVVƏLƏRİ TÜRKİYƏDƏ KƏMƏRKÖY VƏ YENİKÖY İES -LƏRİNİ MÜHAFIZƏYƏ GÖTÜRÜB

Türkiyənin Muğla vilayətinin Milas rayonunda meşəlik ərazidə baş vermiş yanğın genişlənərək Kəmərköy İstilik Elektrik Stansiyasında yanğına səbəb olub.Fövqəladə Hallar Nazirliyinin mətbuat xidmətindən bildiriblər ki, FHN-in Türkiyədə olan yanğın-xilasetmə qüvvələri bununla əlaqədar yerli qüvvələrlə birlikdə İstilik Elektrik Stansiyasında baş verən yanğını avqustun 5-də səhər saatlarında söndürməyə müvəffəq olublar. Bununla da yanğının yaxınlıqda yerləşən Yeniköy İstilik Elektrik Stansiyasına keçməsinin qarşısı alınıb. Hər iki İstilik Elektrik Stansiyasının bölgənin elektrik enerjisi ilə təchizatında strateji rol oynadığı nəzərə alınaraq, Kəmərköy və Yeniköy stansiyaları Azərbaycan FHN-in qüvvələri tərəfindən yanğından mühafizəyə götürülüb.