PREZİDENT İLHAM ƏLİYEV ŞABRANDA AVTOMOBİL YOLUNUN TİKİNTİSİNƏ 1,1 MİLYON MANAT VƏSAİT AYIRIB

Prezident İlham Əliyev avqustun 5-də Şabran rayonunun Gəndob–Xaçmaz–Yalama–Rusiya Federasiyası ilə 6 km-lik dövlət sərhədi–Padar avtomobil yolunun tikintisi ilə bağlı tədbirlər haqqında Sərəncam imzalayıb. Sərəncamda deyilir: "Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram: 1. Gəndob–Xaçmaz–Yalama–Rusiya Federasiyası ilə dövlət sərhədi - Padar avtomobil yolunun tikintisi məqsədilə “Azərbaycan Respublikasının 2021-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.1.14-cü yarımbəndində göstərilmiş məbləğin 1,1 milyon (bir milyon bir yüz min) manatı Azərbaycan Avtomobil Yolları Dövlət Agentliyinə ayrılsın. 2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin. 3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin".