HULUSİ AKARDAN İLHAM ƏLİYEVƏ XÜSUSİ HƏDİYYƏ

Prezident İlham Əliyev fevralın 21-də Türkiyə Böyük Millət Məclisinin deputatı, parlamentin Milli müdafiə komissiyasının sədri, Türkiyə Respublikasının sabiq milli müdafiə naziri Hulusi Akarı qəbul edib. Söhbət zamanı ölkələrimiz arasında qardaşlıq, dostluq və strateji müttəfiqlik münasibətlərinin bütün sahələrdə uğurla inkişaf etdiyi vurğulandı, parlamentlərarası əməkdaşlığın daha da genişləndirilməsi məmnunluqla qeyd olundu. Hulusi Akar dövlətimizin başçısına xatirə hədiyyəsi- qılınc təqdim edib. Xatırladaq ki, ötən il yanvar ayında Hulusi Akar Prezident İlham Əliyevlə görüşü zamanı da dövlətimizin başçısına silah hədiyyə etmişdi.